على كثر المواقف اللي مريت فيها و حسيت ودي اكتب شي عنها , مثل تخرجي من الجامعه و زواجي

اكثر ما استدعاني للكتابه هو مقال لكاتب يدعى عبدالله بن بخيت في جريده الرياض

انا بعطيكم المقال عشان اكون عادله نوعا ما و تعطوني آرائكم

أتفرج أحيانا على برنامج احمد الشقيري خواطر على( MBC ). لم أفهم في البداية سبب جولته في اليابان وتمجيده لشعبها وهو الداعية الإسلامي واليابان دولة علمانية ذات خلفية بوذية. سكت له ورحت أتفرج لأعرف النهاية حتى ردد أخيرا مقولة سمعتها كثيرا: الشعب الياباني تقدم وتطور مع احتفاظه بتراثه وتقاليده. لا أعرف ما هي التقاليد والتراث التي احتفظ بها الشعب الياباني. هذه المقولة الزائفة لا يدانيها في الزيف سوى مقولة بعض كتاب الجرائد ابان الهجوم الأمريكي على العراق مستبشرين: أن اليابان العظيمة هذه هي ثمرة الاحتلال الأمريكي بعد الحرب العالمية الثانية. قراءة سريعة لتاريخ اليابان الحديث تنسف المقولتين. يستطيع الأخ الشقيري والآخرون أن يطلعوا على تاريخ اليابان الحديث في قوقل أو في كتاب صغير يشتريه أي منهم من موقع أمازون.

كلام موجه للملايين يفترض أن يكون مغطى بقليل من المعرفة والخلفية العلمية. أستغرب من بعض الدعاة وكتاب الجرائد العرب إقامة نظريات كاملة ومشاريع حضارية على مقولات زائفة ينسفها ربع ساعة اطلاع.

اليابان الحديثة بدأت من منتصف القرن التاسع عشر في العصر الذي أطلق عليه عصر ميجي ويعني التنوير. سمي كذلك عندما قرر الشعب الياباني أن يطلق الماضي. يقول التاريخ: (في سنة 1868 م تم إصدار (مرسوم) امبراطوري، نص على إعادة تنظيم عملية الحكم بطريقة ديمقراطية، ضمان الرخاء والسعادة للجميع، إبطال الأعراف والعادات القديمة، والعمل على نشر المعارف الغربية وتطبيقها في كل الميادين.)

و(للإسراع في الإصلاحات، قام “إيواكورا تومومي” (من كبار مستشاري الامبراطور) بقيادة بعثة إلى الولايات المتحدة وأوروبا عرفت ب”بعثة إيواك” بدأت الحكومة في جلب العديد من الخبراء والمهندسين – بلغ عددهم حوالي ال3000 حتى سنة 1890 م- من مختلف البلدان الغربية للمساعدة في تحديث البلاد.

من بين الميادين التي شملتها الإصلاحات في المرحلة الأولى: التعليم، الحقوق، العلوم، والنظام السياسي.

أصبح التعليم إجباريا على الجميع، صبيانا وبنات منذ 1868 م. في سنة 1872 م استحدث اليابانيون نظاما تعليميا جديدا مستوحى من النظامين الفرنسي والأمريكي، وفتحت أول جامعة أبوابها عام 1877 م. بالموازاة مع ذلك تمت ترجمة العديد من الأعمال الأدبية العالمية (الفرنسية والإنكليزية) وتدريسها ضمن المناهج الرسمية).

بهذه الإصلاحات الشاملة تحولت اليابان من دولة متهالكة ضعيفة منكفئة على تراثها القديم تملي عليها القوى الكبرى شروط حياتها تحولت إلى قوة عصرية كبرى. هزمت الصين في الصراع حول كوريا وهزمت روسيا وهي من الدول الاستعمارية الكبرى.

التوسع الياباني أدى في النهاية إلى الاصطدام مع الولايات المتحدة وانتهت كما نعرف جميعا إلى الاحتلال الأمريكي لليابان بعد صراع مرير دام أكثر من خمس سنوات استخدمت فيه كل الأسلحة المتطورة من الطرفين. أما ما قدمه الاحتلال الأمريكي لليابانيين ليس سوى:( هؤلاء الذين وضع لهم اسم جديد هو الديموقراطيين الأحرار الذين أطالوا عمر ممارسات السياسية التقليدية والولاء والاستخذاء أمام السلطة والهوية الريفية والشللية السياسية وشراء الأصوات)(انظر كتاب اليابان رؤية جديدة(باتريك سمث) عالم المعرفة الكويت.

باختصار اليابان دولة غربية صرفة بأنوف شرق آسيوية. آسيا على نفس الطريق.

كثير من التخلف الثقافي الذي نعاني منه يعود إلى المقولات الزائفة التي تتحول بفضل العمى الايدلوجي إلى حقائق

ترأس  الكاتب مقاله بعنوان ” اليابان في قبضة الداعية ” ,و احمد اشقيري ببرنامج اضاءات قال انه لا يدرج نفسه تحت قالب معين  ,لا داعيه ولا مفتي ولا شيخ انمّا مسلم !  ما ادري من وين ابدا , اول ماقريت المقال صدمني شوي .. كأنك يا اخ عبدالله انحرفت عن الموضوع و قمت تسرد ما يمكن ان يكون حقائق تاريخيه , و لو كنت زي ماذكرت انك شفت الحلقه كان قريت اول شي ينكتب انه لم نذهب لليابان للتمجيد ولا التقليد . و لكن لنأخذ منهم كل مفيد . و قد يتوضح لك انه لم يتطرق للدين.

انما قولك :

يستطيع الأخ الشقيري والآخرون أن يطلعوا على تاريخ اليابان الحديث في قوقل أو في كتاب صغير يشتريه أي منهم من موقع أمازون

تقصد مثل ما اكملت به المقال ؟ بحث صغير بقوقل و جبت هالمعلومات اللي ما اضنها مهمه حتى تحملها بذاكرتك :/

اتوقع ان كلمتك ( العمى الايدلوجي ) هي ماتعيشه حضرتك , انت تجاهلت طبيعه المجتمع و بدأت قذائفك على من يحاول تصحيح و توعيه المجتمع ,  او كما ذكر  في تعليق على المقاله في موقع الجريده :

و له أربع خواطر يقلل من شأن العالم العر بي والان يمجد اليابان تعداها العيب

هنا مربط الفرس , ليش الاعمال بالنيّات , نجي اول شي لبرنامج خواطر في اجزائه الناجحه , وش كانت نيّه المقدّم يوم بدا هالبرنامج ؟ ليش كمّل على مدى خمس سنوات ؟

نيته الرقي بشباب هذا الدين بأقتدائهم بسنّه النبي صلى الله عليه و سلم , و اللي لقى امّه اخرى تقتدي بها بينما الاصل في ديننا !

ليش حضور محاظرته لو كان بيننا تعدى الآلاف . وانا من اللي منعوا من الدخول لشده الزحمه ؟

ليش سوى حمله فينا خير ؟

بينما بالجهه الاخرى نتّـجه لنوايا كتّاب المسلسلات الرمضانيه التي يفترض انها تسلّي الصيام . بغض النظر عن وقت عرضها الي يتفاوت من وقت الفطور الى وقت السحور و هي اوقات المفروض تصرف لذكر الله بهالشهر الفضيل .

على نيّاتكم ترزقون .. كم واحد أثر فيه برنامج  خواطر سواء بفرض ديني . او تصرف . او عاده !

اخي الكريم ماتتوقع انه شباب هالمجتمع بحاجه لهالبرامج ؟ او برأيك انهم احوّج لمتابعه مسلسل ” يكشف ” عيوب الطبقه المخمليه و الامكانيات الي وفرها المال لهم , لدرجه تصل الى ان بناتهم يلعبون بازواجهم و كأنهم خواتم في اصابعها.  او كما ذكرها صحفي بجريده الجزيره

إلى جانب ظهور ميساء المغربي – الجوهرة – بطريقة غريبة ومتفتحة من ظهورها في عدم الطاعة لزوجها وسفرها إلى فرنسا دون علمه وسط تبريرات مزيفة من أهلها

بعد كل هذا .. تحاول توصّل ان برنامج خواطر لا يسمن ولا يغني من جوع ؟

عجيبٌ شخصك

بالختام

اسأل الله ان يتقبل صيامنا و قيامنا

وحشتوني ق1

حياكم

اللي ماجاز لها الساور كريم

تطب وتتخير من اللي على سرير اختي

* معصبه

* ياعمري اخوي سليمان ( 10 سنين ) مايسوى عليه ماخذ كم كتـــّيب من حقات السينما الصغيرات حقات سينما السيف لاخوياه بالمدرسه .. واحد منهم عيا ياخذه وهو اللي موصيّ سليمان ! قال له بصبر يومين .. إذا شفت مافيك انفلونزا الخنازير برجع اصير صديقك و آخذ الدفتر منك

الشرهه مير على أخيّــي الي ناقله لك !

* قد داومتوا و انتم نايمين .. يعني ما صحصحتوا .. و إذا قعدتوا تتذكرون الدوام تتذكرونه كأنه حلم ؟

* من زمان عن كل أحد .. اكره الكليه

* ما عندي وقت ” اشعر ” .. يعني ماعرف شعور آخر سنه بالكليّه

* مستوصف الروضه : تراك صاير أزحم شي من تالي ! لا و صيدليتك أردى

* منى : احب المدونه عشانك دايم تقولين لي اكتبي .. لو خرابيط .. احبك

* القروب حق بنات دفعتنا اللي بقوقل .. احسن شي .. و أشكر البنات اللي فكروا فيه .. لهم كل احترامي .. بس على قولة هبه .. اول ما سووا القروب ” الله لا يحرمنا من بعض ” , ” بنات ياحبيلكم مشكورين على كل شي ” .. و الحين ” انا اكررررررهكمممممممممم ” , ” وش هالأنانيه ! “  !

بس ما ينلامون ! الضغط مو قليل =(

* بالصدفه احوس بقوقل ادور وصفه تشيزكيك سنيكرز .. و طحت على بلوق فتون أنتي احسن وحده شفت حواقها بالمطبخ

Photon Blog

* ممكن وحده تكون قضت و تخرجت من الكليه .. تعلـــّمني وش يحتريني ؟ و هل اتحمس و اكرف واللا لا ؟

<-

* I’m in love with Flickr

* انفولازا اخنازير : واحد مصري بالاخبار متحمس ياعمري

عقب ما أعلنوه كـ وباء =(

* أسوار + حسن عسيري = أكرهكم !

*BB pin = GO TO HELL

* دكتورتنا اللي تعرفين نفسك

حسبي الله عليك و نعم الوكيل !

* د.لمياء : إنتي الوحيده اللي حسستيني .. مدري .. اني كبيره .. فاهمه يمكن .. و مو بس انا

كل بنات الدفعه .. حسستينا اننا نستاهل الاحترام و التعامل كـ بنات كبار !

<- حسيت اني بزر بالثنوي و اول مره احد يعطيني وجه

* احب دعاية عبداللطيف جميل اللي الام و الخدامه و العامل يوقفون شغل و كل شي لين ما يقولهم احد يعطيك العافيه و جزاك الله خير .. بعدينن يتحركون

الكلمه الطيبه صدقه (L)

* ياربي يا حبيبي تسهل امورنا و نتخرج انا و صديقاتي الي بالإنجليزي و اللي بالعلوم  و عرعر و اموّن و تسهّل امورنا و المسلمين اجمعين

—–

]]> http://hnaiyif.wordpress.com/2009/06/09/%d9%85%d8%af%d8%b1%d9%8a-%d9%84%d9%8a%d9%87-%d9%85%d8%a7-%d8%a7%d8%aa%d8%b0%d9%83%d8%b1-%d8%a7%d9%82%d8%b1%d9%82-%d8%a7%d9%87%d8%b1%d8%ac-%d9%88%d8%a7%d8%ac%d8%af-%d8%a5%d9%84%d8%a7-%d8%a7%d8%b0/feed/ 9 Al Hanouf ~ IMG_2449 IMG_2442 http://hnaiyif.wordpress.com/2009/03/17/%d9%88%d8%af%d8%a7%d8%b9%d9%86-%d9%84%d9%84%d8%a8%d8%b1%d8%af-%d9%88-%d9%84%d8%a7-%d8%aa%d8%b7%d9%88%d9%91%d9%84-%d8%b9%d9%84%d9%8a%d9%86%d8%a7-l/ http://hnaiyif.wordpress.com/2009/03/17/%d9%88%d8%af%d8%a7%d8%b9%d9%86-%d9%84%d9%84%d8%a8%d8%b1%d8%af-%d9%88-%d9%84%d8%a7-%d8%aa%d8%b7%d9%88%d9%91%d9%84-%d8%b9%d9%84%d9%8a%d9%86%d8%a7-l/#comments Tue, 17 Mar 2009 18:41:37 +0000 hanoufa http://hnaiyif.wordpress.com/?p=34 ]]>

السلام عليكم ق1

الرجعه للنوم على صوت المكيّف شي ثاني .. مدري ليه احسه كأنه حياه ثانيه .. زي النومه اول يوم بدون مكيّف !

درسنا قصيده اسمها The Snowman .. يحاول الشاعر فيها يوصل فكرته واللي هي انه لازم نشوف الشتا زي ماهو .. مجرّد من اي احسايس او مواقف او ربما اشخاص نربطهم بالبرد او الشتا عموما .. يعني بدون شعور سلبي او ايجابي .. و نستمتع فيه زي ماهو .. مدري احس صعب

—

فرحه البرد و قشعريرته .. شعور ما يوصف .. البرد اللي بالعظام ! الهوا الباارد .. و الـ ” بخار ” اللي يطلع لما نتكلّم .. مدري ليه يذكرني بأحساسي لما كانت امي تعلمّني شلون البس جلال الصلاه و الفّه .. وكانت هي بنفسها تلفه لي

—

منى تقول لي قبل كم يوم .. هنوف متى ارضى عن نفسي ؟

نسيت النقاش بس تذكرته بعدين .. و افكر بكلامها ..

هل ممكن انه احد يكون راضي عن نفسه لدرجه تتعدى الرضى اللي يكتـسي الواحد لما يسوي شي كويس لدينه واللا لنفسه واللا لصديق عزيز ؟

مدري احس حتى لو شعرنا برضى عن الامور الدنيويه .. مستحيل رضانا بالامور الدينيه يتعدى الاشياء اللي صارت عاده وما نستشعرها .. و نحس اننا مسوين شي كويس .. و هو مجرد واجب !

—

الحين ماشغلت المكيف لأنه برد و هوا اليوم .. تراي اروح و اجي على سالفه المكيف لأنه ينقلني لجوّ ثاني ولا اعرف اشغله كذا على طول

قبل كم يوم كان حرّ و ماشغلت المكيف .. ارسلت مسج لمها اقولها اني ماشغلت المكيف لاني ما اقدر اشغله فجأه لازم استعداد نفسي

قالت Life is full with surprises

—

الدفتر اللي قاعده اكتب فيه و اكبّ اللي براسي و اسوي brain storming على حسابكم .. لقيت مكتوب فيه :

2 كاس طحين, 3م سكر, بيضه, 3م حليب بودره, 5 كيري, 1م ك خميره, 1م ص بيكنق باودر و  3\4 كاس مويه

وش مقاديره مدري

—

احس وقف مخي عن الانتاج لأنه تمّت مقاطعتي وانا احاول اعبّر . اول شي انمسح اللي كتبته مدري شلون ! ثاني شي مكالمه

في الختام .. اتمنى لكم سمستر دراسي موفــّق .. واللي قرب تخرجّهم مثلي يشدون حيلهم

—

Muna = احبك قدّ ما ترفعين معنوياتي و تحسسيني إني شي مهم عندك

في الختام

اللهم إنا نسألك علماً نافعا و رزقاً طيبا و عملاً متقبلا ..

- ربّ اوزعني ان اشكر نعمتك اللتي انعمت بها عليّ وعلى والديّ -

فوتـــّوكو بعافيه (L)

السلام عليكم و رحمه الله و بركاته

آخر blog نزلته كان بتاريخ 8-11-2008

من وقتها

كان عندي الكثير و الكثير لأقوله ..

او احتجت لأن اقوله ..

—

My finals started last week, i got red of Islamic, History of Language, Poetry, Essay and Criticism, hope the results are good ensha Allah, and i’m left with Drama, Translation, Linguistics – EWW-, Civilisation and Prose and Arabic

I really with all senior student in English Department and students in general GOODLUCK xD

and repeat ( I’m In It, To WIN It ) as i do, it has an effect really, at least i think so ;P

im exhausted already wallah i just wanna graduate, the heading picture is a symbolic one, resembling ME charging my energy for the remaining exams hehehee

did you watch 37ْ° on MBC ? looool its hilarious ! didnt think it would be so ! after years of watcing ER and Grey’s Anatomy, finally a saudi medical series talking colloqual arabic ! specially the nurse Sonati or something like that when he said wash my thoob and the song Phillipino xD

—

ادري قرقرت واجد بس مابي اقوم اذاكر دراما

دعواتي للجميع بامتحانات كويسه و نتائح اكوَس يارب

يارب سوّينا اللي علينا و عليك التكلان

TomTom: are you Amanda or NOT YET ? ;Pp

تمسّون على خير

(f)

بسم الله الرحمن الرحيم

ماده الترجمه عندنا تعتبر ماده عامّه .. وغالباً ما نترجم قطع سياسيه .. اجتماعيه و السنه الماضيه ترجمنا مواد إعلاميه .. على حسب مقرر كل سنه .. هالسّنه إن شاء الله مقررنا ترجمه القرآن الكريم و الأحاديث النبويه بعدين مقتطفات من مسرحيات درسناها لـ شكسبير العام ..

كـَ بدايه اخذنا ترجمه قصار السّوَر.. الاخلاص و الناس .. ومن شروط ترجمه النص القرآني الفهم التّام لتفسير كل آيه و كلمه عشان يتمّ توصيل المعنى ..

—–

فيه دكتورات تدخل وتلقي المحاظره و قبل تطلع تعيد النقاط المهمّه و تنقّلنا بعض النقاط كأننا بنات متوسّط .. و منهم اللي تدخل تتكلمّ عن نواحي كثير و تدخّل آراء بمواضيع ثانيه و تربط الأشياء اللي ندرسها بحياتنا اليوميه عشان نفهمها و نتذكّرها .. و تذكرّنا بأشياء انشغلنا عنها بحياتنا الدنيا ..

تذكرت د.نجلا

اشتقت لك

الرابط بين النقطتين هي د.ازدهار .. أوّل مره تعطينا كورس كامل .. محاظرتها من النوعيّه اللي نستنّاها من اسبوع لأسبوع .. تشرح .. تنصَح .. تضحّك .. تذكرّ .. تدخلّنا بحياتها و تعلمنا بتجاربها من كانت بالسعوديه لين راحت مع زوجها امريكا و رجعت .. كثير مواقف نتعلّم منها ..

اليوم ترجمنا سوره الناس و الاخلاص .. و اتوقّع بنترجم الفلق .. بدينا بالقلاقل عشانها قصيره و حافظينها .. دخلنا بمواضيع كثير اوّلها فضل السورتين اللي ترجمناهم .. للتحصين و الحمايه .. و تلاها ما يتحصّن به الانسان بالصباح و المساء ..

و تحدثنا عن اهميه الاستغفار و التسبيح .. و فضل قرآءه سوره الاخلاص

* قال الرسول صلى الله عليه و سلّم : أيعجز أحدكم أن يقرأ في الليلة ثلث القرآن؟

قالوا: وكيف يقرأ ثلث القرآن ؟ (أنه من يقدر على ثلث القرآن في الليله الواحده!)

قال: ” قل هو الله أحد تعدل ثلث القرآن “

و فضل الصلاه على النبي .. قال صلى الله عليه و سلّم : ” من صلّى عليّ وسلمّ قيض الله ملائكة سيارة تبلغنى سلام من سلّم علي “

ويقول : ” ما من رجل يصلى ويسلم علي إلا رد الله عليّ روحي فـ أردّ عليه “

أخذنا الحديث الى انه كيف ذكر الله و التواصل الدائم معه يشرح صدر المسلم و ييسر اموره و يسخر له الملائكه و من الناس من يسهّل اموره و يساعده .. و كيف انه ذكره سبحانه وتعالى ينير حياته

والإناره شي حسّي و ملموس .. الحسّي لما ينشرح الصدر و تطمئـّن النفس .. و ملموس لمّا نشوف الكعبه بكسوتها السودا بس نحسّ يطلع منها نور ! يشرح الصدر ! و يخشع البصر و الفؤاد لشوفتها ! لأن اسمه سبحانه وتعالى منقوش عليها بعبارات مثل” لا إله إلا الله محمد رسول  الله “..” الله جل جلاله”.. “سبحان الله وبحمده سبحان الله العظيم” .

” ألا بذكر الله تطمئن القلوب “

كل هالاشياء من التحصين و الورد اليومي و ذكر الله ماتاخذ من وقت الواحد كثير

بس ابليس يجري مجرى الدم بالإنسان ..

ليش إذا ضيّعت شي قالت لي امي روحي توضّي و صلي ركعتين و اوّل ما تكبّرين بتتذكرين وين الشي ؟

ليش كل شي يجي ببالنا إذا صفيّنا نصلي

او جينا نقرا قرآن

او بنقوم لصلاه الفجر

هذا ماقاله إبليس لرب العالمين عز و جل ” و عزّتك و جلالك لأغوينـّهم أجمعين ” ..

فيقول الله تعالى له ” و عزّتي و جلالي لأغفرنّ لهم ماداموا يستغفرونني “

بأشياء بسيطه بالقلب و اللسان تحصنّا

اذكر الله في الرخاء .. يذكرك في الشدّه

- اللهم اجعل القرآن ربيع قلوبنا و جلاء همومنا -

اسأل الله ان يجعلنا و اياكم من اهل الفردوس الأعلى و والدينا و سائر المسلمين

د.إزدهار

ونعم بالله ..

اوّل اسبوع دوام رسمي .. للجامعات يعني .. الجامعات و ا ادراك ما الجامعات !

يوم كنت بالثانوي كان حلمي اتخّرج و ادخل الجامعه ! وبحقق حلمي ! و بدخل طبّ ان شاء الله ! ومن الاشياء اللي تخليني ادرس كويس بثالث ثانوي آخر السنه هو اني اتخيّل شكلي باللاب كوت !

تخرّجت و السيناريو المعهود يبون نسبه اعلى فاا سجّلت علوم طبيّه .. ولا انقبلت و كنت وقتها مقدمه علم نبات بالكليّه بس كذا يعني من الثقه اني سويت كويس بالقياس

درست سمستر نبات و سحبت ملفّي لانه صعب وماراح استفيد منّه شي بحياتي !

<- خلال هذي الفتره اكتشفت بالصدفه إني اساساً كنت مقبوله بالعلوم الطبيّه

أرأر تذكرين :”( ؟؟

رجعّت قدمت على الكليه نفسها أدب انجليزي .. و الحمدلله بدعوات اهلي تيسرّ كل شي و صار فيه الخيره لاني مشيت فيه و مرّه حابته ..

مشواري بهالقسم بدا بسنه أولى وكنت آخذ 12 مادّه .. 2 مواد عامّه عربي و دين .. والبقيه تتنوّع بين التخصص و القرامر و الكورسات الي تـُعنى بطلاقه التحدّث ..

مشيت بهالقسم لين جتني عثره صراحه احس اني طحت من عين نفسي ! بسنه ثانيه رسبت !

بالـ حضاره الإسلاميه :]

هذا دليل إني ماكنت لمّ الحفظ ابد !

و الحمدلله هي الماده الوحيده اللي حملتها الى الآن ..

يوم كنت بالثنوي كان لي تخيّلات كثير عن الجامعه .. احس انها للأذكياء !.. احس الناس بتعرف مستواي و شطارتي و اتكرّم زي الثانوي لدرجه إني احلم بمرتبه الشرّف !

جت الكليّه .. لين سنه رابع .. عدد الدكتورات اللي يعرفوني معدود على الأصابع .. دكتورات عرفوني لطلاقه لساني بالانجليزي و الآكسنت بس .. و الاغلبيه يتذكروني عشان خطّي الصغير اللي كل محاظره لازم يهوشوني عليه !

اللي تقول انا البس نظاراتي .. واللي تقول إن بنتي تقول شلون صححتي ورقه هذي البنت .. !

المهم .. لقيت انه فيه ناس تمشي مو لانها شاطره .. وناس شاطره تعيد السنه عشان مواد تافهه !

و كثير من هالمشاهد مرّت علي ..

*  دكتوره تروح لها بنت رسبت بالماده .. وتقول لها انتي باقيلك درجتين على النجاح .. طيب دكتوره نجّحيني !

انا ما ازيد اللا الطالبات اللي درجتين بتغيّر مستواهم من جيد جداً إلى ممتاز !

والبنت عادت السنه لـ عجرفة هالدكتوره و عدم تفهّمها !

*  دكتوره تدخل على بنات سنه أولى .. انتوا بنات هالوقت دَلع .. ماراح تمشون بهالقسم !

*   دكتوره تعطيني مادة تخصص جايتني بقاعه الأختبار بالفاينلز وانا مادري الوقت يمديني احلّ والا لا و الا يمديني اركّز .. جتني طايره .. إنتي إنتي و خطّك اللي زي خطّ النّمل ! كبريه !

ياشيخه :] ؟ وسعتي صدري صراحه وانا فيني صيحه !

نظام بطاقات الـ ID :

*   بنت تُحرَم من الفاينل عشانها ناسيه الآي دي حقتها !

*   موقف صار لي انا : مطر و برد .. ووقفوني عند الباب حق الباصات من 7 ونص لين 8 وربع ومحاظتي تبدا 8 ! .. عشاني نسيت الآي دي حقتي .. طيب معي دفاتر .. كتب ! ووراي محاظره! قالت طيب بس ليش تنورتك قصيره ؟

قسم بالله انا مو هالبنات الي ألبس قصير والله اجي من محاظره للثانيه ماصدق اطلع الساعه 2 اروح البيت : ( !

يعني لو البطاقه عليها صوره او شي عشان تتأكدون إني هَنوف كان قلنا معاكم حق .. بس لو انا جايبه بطاقه صديقتي وداخله فيها مادرويتوا عنّي!

يعني اشياء كثير والله مدري وش اعلّق عليها !

هذا اسلوب تعاملون فيه بنات كبار ؟

لا تخافون محد بياخذ مراكزكم والله مانصدّق نطلع من هالمبنى ماراح نرجع له إن شاء الله !

المضحك المبكي انه الناس اللي يسبوون مشاكل .. و لسانهم طويل هم اللي يسلمون و ينجحون آخر السنه !

زي ماذكرت هالمواقف .. فيه مواقف ما انساها لدكتورات اتمنى إن علاقتي معاهم تستمر لين بعد الكليّه ان شاء الله ..

دكتوره تعطيني ماده النقد مره صعبه ! جايه ببدايه الإجازه قبل النتايج اجيب اوراق لبنت خالي .. وشفتها .. قلت دكتوره كم باقي على النتايج ؟ قالت مش كتير بس إحنا سلمّناهم النتايج .. قلت طيب عندك نسبه رسوب كبيره :] ؟

قالت : you passed in Criticism !

يعني تراي اعرف مستواك و حلّك كويس و ريحي بالك من مادتي !

و استاذه عطتني ماده محادثه .. بسنه أولى .. الى اليوم اذا شافتني تسلّم علي

لانها مره كان مالي خلق المحاظره و هي عصبيّه نوعاً ما .. اللا كثير ! وكنت اخاف منها

يوم خلصت المحاظره قالت Hanouf come to my office please

انا خلاص تروّعت !

طلعت تبي تسألني وش فيك و هذا مو مستواك !

وسالفه ورا الثانيه لين صرت اجيها بمكتبها بأي وقت اسولف معها حتى لو تضايقت من دكتوره او موقف

وتعطيني دافع إنّي اشد حيلي !

- معليش هذرت واجد .. بس حسّيت لازم اطلّع الضغط و احس انه فيه امل ان شاء الله اتخرّج ..

<- فجأه حسيت انه على حساب أي احد يقرا :/

- د. نجلا : احبك (L)

- الرسمه اللي فوق رسمتها يوم كنت بالثانوي .. يوم كانوا مدرّساتي يحسسوني اني ممكن اكون شاطره بالدراسه و ابدع بنفس الوقت بأشياء ثانيه احبّها !و من دخلت الكليّه ما رسمت اللا رسمه وحده ورصاص بعد !

- متأكده انه كثير منكم مرّوا بتجارب شخصيه او سمعوها سواءً كانت سلبيّه \ إيجابيه .. وش مريتوا فيه من مواقف ؟

بس تكفون شيّ يشجّع لاني في حاله يرثى لها بين البرزنتيشنز و الكويزيس و قراءه المسرحيه العلّه !!

امزح ;*

بأنتظار ردودكم

(L)

,

Welcome to my modest blog, as a beginning i have nothing to say, but i wish you all a happy, successful new year, i just began my new year as a Senior in my studies at the English Literature department with trust in Allah and hoping that i graduate with the less damage as possible.

,

مره متحمسه .. متفائله .. خايفه !

ودي اني افيد أي احد بأي شي اعرفه لو القليل .. و استفيد من غيري ..

,

صادفت إني انا و عَروب سوينا مدوّناتنا بنفس الوقت !

الله يجعلها فاتحه خير ان شاء الله

,

* عرعر : لاعادي على كل شي :$ اصير لتس بلوق :$